رۆژنامە عەرەبییەکان
سەباح
- وەزارەتی نەوت زیادبوونێکی بەرچاوی یەدەگی نەوت رادەگەیەنێت
- هۆشداری دەدرێت لە ئاڵۆزبوونی زیاتری پەیوەندییەکانی نێوان بەغداد و هەولێر
- عێراق دانوستانەکانی لەبارەی دۆسیەی ئاو لەگەڵ سوریا دەستپێدەکات
شەرقولئەوسەت
- هەسەدە چەکدارانی لایەنگری دیمەشق تۆمەتبار دەکات بە تێوەگلانیان لە گرژییەکانی دێرزور
- وەک ئامادەکارییەک بۆ هەڵبژاردنە ناوخۆییەکان عێراق چەند لیژنەیەک پێکدەهێنێت بۆ چارەسەری قەیرانی کەرکوک
- قوربانییەکانی بومەلەرزەکەی مەغریب، دوو هەزار کەس تێدەپەڕێنێت
قودسی عەرەبی
- هاوپەیمانی دەسەڵاتدار لە عێراق رەتیدەکاتەوە هەڵبژاردن لە کەرکوک دوابخرێت
- پەرلەمانی عێراق پلان دادەنێت بۆ دەرچواندنی یاسای نەوت و گاز
- پارتی دیموکراتی کوردستانی ئێران داوا لە کۆمەڵی نێودەوڵەتی دەکات لە هێرشەکانی ئێران بیانپارێزێت
عەرەب
- چوارچێوەی هەماهەنگی سوورە لەسەر گەڕاندنەوەی پارتی بۆ کەرکوک
- سوپای پاسدارانی ئێران هەڕەشەی هێرش کردنە سەر کوردستان دەکات
- ژمارەکانی وەزارەتی پلاندانانی عێراق لەبارەى نەخوێندەواری لە عێراق، هەرێمی کوردستانی توڕەکردووە و دەڵێن، ژمارەکان راست نیە
رۆژنامە ئینگلیزییەکان
گاردیان
- خاچی سوری نێودەوڵەتی هۆشداریی دەدات کە بنیادنانەوەی ناوچە زیانلێکەوتووەکانی بومەلەرزەکەى مەغریب چەندین ساڵ بخایەنێت
- ئەمساڵ 184 هەزار کەس لە بەیتانیا توشی شێرپەنجە بوون کە دەتوانرا لەرێگەی کەمکردنەوەی جگەرەکێشان و خواردنەوە و گۆڕینی شێوازی ژیان رێگری لەو ژمارە زۆرە بکرێت
- ریشی سوناکی سەرۆکوەزیرانی بەریتانیا لەبارەی سیخوڕەکەی نێو پەرلەمانی وڵاتەکەی نیگەرانییەکانی گەیاندە سەرۆکوەزیرانی چین و رایگەیاند ئەو کارە جێگای قبوڵکردن نییە
چاینە دەیلی
- شی جینپینگی سەرۆکی چین داوادەکات سوپای وڵاتەکەی گرنگی بدات بە مەشق و راهێنان و ئامادەیی جەنگیان تێدابێت
- چین دەڵێت ئامادەیە بۆ هەموو هەماهەنگییەک لەگەڵ وڵاتانی جیهان بۆ بەرەوپێشبردنیی کەرتی زانست و تەکنەلۆجیا
- سەرۆکی چین بەبۆنەی روداوی بومەلەرزەکەوە سەرەخۆشی لە مەغریب دەکات دەڵێت شۆک بووە کە روداوەکەی بیستووە
واشنتن پۆست
- جۆ بایدن، سەرۆکی ئەمریکا لەدوای بەشداریی لە لوتکەی G20 سەردانی ڤێتنامی کرد بۆ ئەوەی پەیوەندیی لەگەڵ وڵاتانی دراوسێی چیندا بەهێز بکات
- لە ناوچە دورە دەستەکانی مەغریب هیچ هاوکارییەکی حکومەت بۆ بەهاناوەچوونی لێقەوماوانەوە نەگەیشتووە و خەڵکی خۆیان بەدوای قوربانیاندا دەگەڕێن
- هاوینی ئەمساڵ بۆ هەرتاکێکی جیهان گەرمترین بووە لەمێژوودا
عەرەب نیوز
- شازادەی جێنشینی سعودیە گفتوگۆی بەرهەمداریی لەگەڵ سەرکردەکانی جیهان لە لوتکەی G20 دا ئەنجامدا
- لە هێرشێکی ئاسمانیدا بۆ سەر مارکێتێک 46 کەس لە سودان گیانیان لەدەستدا
- هاوڵاتییانی مەغریب بە دەست و ئامێری گەورەوە خەریکی گەڕانن بەدوای قوربانییانی بومەلەرزەکە و کۆمەڵگای نێودەوڵاتیش بەڵێنی هاوکاریی دەدن بۆ ئەو وڵاتە
رۆژنامە فارسییەکان
جمهووری ئیسلامی
- حزبەکانی رۆژهەڵاتی کوردستان چەک دەکرێن و هەرێمی کوردستان بووەتە ناوەندی هەواڵگری بۆ ئیسراییل و ئەمریکا
- سوپاى نەیجەر دەڵێت، فەرەنسا بۆ هێرشکردنەسەر وڵاتەکەیان خۆی ئامادە دەکات
- رەجەب تەیب ئەردۆغان باس لە پێکهێنانی داڵانێکی بازرگانی لەنێوان تورکیا، عێراق، سعودیە و عیمارات دەکات
کەیهان
- پووچەڵکردنەوەی 400 بۆمب لە ماوەی چەند مانگی رابروودا کە 40 دانەیان بۆ رۆژانی موحەڕەم داندرابوون
- ژمارەى قوربانییەکانى بومەلەرزەکەی مەغریب زیاتر لە چوار هەزار کەسە و هەندێک لە گوندەکانی وڵاتەکە ئاسەواریان نەماوە
- دۆزینەوەی 740 گۆڕی بەکۆمەڵ لە ئۆسترالیا کە زۆربەیان منداڵ و کۆرپەلەن
ئەبرار
- سەردانەکەی پافڵ تاڵەبانی بۆ تاران، پەیوەندى بە رێککەوتنی ئێران و عێراق لەسەر حزبەکانی رۆژهەڵاتی کوردستانەوە هەیە
- ئامانجی ئەمریکا لە پێکەوەی وەسڵکردنی رۆژهەڵاتی ناوەڕاست و رۆژئاوا، لاوازکردنی چینە
- دادگاییکردنی سێ کەس لە تۆمەتبارانی هێرش بۆسەر شاچراغ لە شیراز دەستیپێکرد
قودس
- هاوکاریی ئەمریکا بە ئۆکراین جیا لە کەسابەتی شەڕ و بازاڕگەرمی شتێکی دیکە نییە
- تورکیا و ئازەربەیجان هەوڵدەدەن بە پێکهێنانی داڵانی هاوکاری، جێئۆپلۆتیکی ناوچەکە بگۆڕن
- بەهۆی کەمئاوییەوە ئێران پلەی چوارەمی جیهانی لە رۆچوونی عەرزدا هەیە
