زووم:
بەرەبەیانیی ئەمڕۆ لایەنگرانی سەدر هەڵیانکوتایە سەر باڵیۆزخانەی سوید لە بەغداد و ئاگریان تێبەردا، ئەمەش وەکو کاردانەوەیەک دژی دوایین بانگەشەی سەلوان مۆمیکا کە گوتبووی “جارێکی دیکە قورئان دەسووتێنم”.
وەکو لە گرتە ڤیدیۆییەکاندا دەردەکەوێت، لایەنگرانی سەدر بەدەم هوتافکێشان و بەرزکردنەوەی وێنەی موقتەدا سەدرەوە دەروازەی باڵیۆزخانەکە دەشکێنن و دەچنە ناوەوە و دەیسووتێنن.
⭕️#عاجل
حرق السفارة السويدية في بغداد pic.twitter.com/qSRfoKbPXp— هشام علي :: husham ali (@husham_ali1) July 19, 2023
قبل ساعات عن موعد تظاهرة حرق القرآن الكريم والعلم العراقي في السويد.. متظاهرون صدريون يحرقون السفارة السويدية في بغداد pic.twitter.com/oMbs8kIPe8
— ابو سكينة الزيدي T . M (@Takleeff77) July 20, 2023
ئەمە جاری یەکەم نییە لایەنگرانی سەدر هەڵدەکوتنە سەر باڵیۆزخانەی سوید، پێشتر و چەند رۆژێک پاش سوتاندنی قورئان بەدەستی سەلوان مۆمیکا، لایەنگرانی سەدر لەسەر قسەی موقتەدا سەدری رێبەریان خۆپیشاندانیان ئەنجامدا و دەروازەی باڵیۆزخانەکەیان شکاند.
سووتاندنی قورئان لەلایەن پەنابەرە عێراقییەکەوە لە رۆژی 28ی مانگی رابردوودا کاردانەوەی فراوانی ناوخۆیی و نێودەوڵەتیی لێکەوتەوە. عێراق بە فەرمی داوای لە سوید کرد سەلوان مۆمیکای رادەست بکاتەوە تاوەکو بە گوێرەی یاسای عێراقی دادگایی بکرێت.
لەسەر ئاستی نێودەوڵەتیی، وڵاتانی جیهانی ئیسلامی و بەشێک لە سەرکردەکانی جیهان ئیدانەی کردەوەکەیان کرد.
رێکخراوی هاریکاریی ئیسلامییش بڕیارنامەیەکی دژی رقلێبوونەوەی ئاینی پێشکەشی ئەنجومەنی مافەکانی مرۆڤی نەتەوەیەکگرتووەکان و بە زۆرینەی دەنگ پەسەندکرا.
