راپرسیەکى نوێ: کلچدارئۆغلۆ لە خولی یەکەمی هەڵبژاردندا سەردەکەوێت

بەگوێرەی راپرسیەکی نوێ کە لەبارەی هەڵبژاردنی سەرۆکایەتی تورکیا ئەنجامدراوە، لە خولی یەکەمی هەڵبژاردنەکاندا، کۆتایی بە دەسەڵاتی 21 ساڵەی رەجەب تەیب ئەردۆغان، سەرۆکی گشتی پارتی داد و گەشەپێدان (ئاکەپە) وەک سەرۆککۆماری تورکیا دەهێندرێت.

هەڵبژاردنەکانی سەرۆکایەتی و پەرلەمانی تورکیا مانگێکى دیکە بەڕێوەدەچن، زوومى میدیا و خەڵکیش لەبارەى ئەنجامى ئەو راپرسییانەیە کە ئەنجام دەدرێن، دوایین راپرسی کۆمپانیای گەزیجی ئەنجامی داوە، کە کۆمپانیایەکی ناسراوی بواری راپرسی و لێکۆلینەوەیە.

راپرسییەکە لەم شارانە ئەنجامدراوە: ئەدەنە، ئەنقەرە، ئەنتاڵیا، بالیکەسیر، بورسا، چاناککالە، دەنیزلی، ئامەد، ئەرزینجان، ئەرزەرم، دیلۆک (عەنتاب)، گیرەسون، هاتای، ئەستەنبوڵ، ئیزمیر، قەیسەری، کۆجائەلی، قۆنیا، مەلەتی، ئۆردو، سامسون، سیواس و وان، بۆچوونى دوو هەزار و 864 دەنگدەری بەشێوەی روبەڕوو وەرگرتووە.

پرسیار لە بەشداربووان کراوە دەنگ بە کام کانیدیدی سەرۆکایەتی تورکیا دەدەیت، ئەنجامەکەش بەم شێوەیەیە:

کەمال کلچدارئۆغلۆ، سەرۆکی گشتی جەهەپە و کاندیدی هاوبەشی ئۆپۆزسیۆن 53.4%

کەمال کلچدارئۆغلۆ
کەمال کلچدارئۆغلۆ

رەجەب تەیب ئەردۆغان، سەرۆکی گشتی ئاکەپە و کاندیدی هاوبەشی دەسەڵات 43.2%

رەجەب تەیب ئەردۆغان
رەجەب تەیب ئەردۆغان

موحەڕەم ئینجە، سەرۆکی گشتی پارتی مەملەکەت 2.1%

موحەڕەم ئینجە
موحەڕەم ئینجە

سینان ئۆغان کاندیدی هاوبەشی هاوپەیمانی ئاتا 1.3%

سینان ئۆغان
سینان ئۆغان

هەروەها پرسیار لە بەشداربووانی راپرسیەکە کراوە ئەگەر لە خولی یەکەمدا هیچ کام لە کاندیدەکان سەرنەکەون و لە خولی دووەمدا کلچدارئۆغلۆ و ئەردۆغان بمێننەوە، دەنگ بە کام کاندیدی دەدەن، ئەنجامی راپرسیەکە بەم شێوەیە بووە.

کەمال کلچدارئۆغلۆ، سەرۆکی گشتی جەهەپە و کاندیدی هاوبەشی ئۆپۆزسیۆن 55.2%

رەجەب تەیب ئەردۆغان، سەرۆکی گشتی ئاکەپە و کاندیدی هاوبەشی دەسەڵات 44.8%

هەواڵی زیاتر

Back to top button