ناکۆکییە توندەکانى نێوان سوننە و شیعە هەڕەشە لە پەکخستنى پەسەندکردنى بودجەى عێراق دەکات

مانشێتى بەشێک لە رۆژنامەکانى ئەمڕۆ، 7ى نیسانى 2023

رۆژنامە عەرەبییەکان

 

شەرقولئەوسەت

  • ناکۆکییە توندەکانى نێوان سوننە و شیعە، هەڕەشە لە پەکخستنى پەسەندکردنى بودجەى عێراق دەکات
  • سەرۆکى پەرلەمانى کوەیت هێرشدەکاتە سەر سەرۆکوەزیران و بەهۆکارى قەیرانەکانى وڵاتەکە تۆمەتبارى دەکات
  • روحانى داواى راپرسى گشتى دەکات بۆ هەڵسەنگەیاندنى سیاسەتى ناوخۆیی و دەرەکى و ئابوورى ئێران

سەباح

  • لە سەرەتاى ئەمساڵەوە 1088 فەرمانبەر بە تاوانى گەندەڵی تۆمەتبارکراون، 34 کەسیان بە پلەى بەڕێوەبەرى گشتی بوون
  • وەزارەتى گواستنەوەى عێراق سیستمى GPS بۆ سەرجەم بارهەڵگرەکانى وڵات دادەنێت
  • یاساى “خانەنشینى و بیمەى کۆمەڵایەتى” ئەرکى سەرشانى حکومەت سوک دەکات

قودسى عەرەبى

  • تورکیا بوارى ئاسمانی وڵاتەکەى لەگەڵ سلێمانى دادەخات بەهۆى چالاکبوونى “پارتى کرێکارانى کوردستان”ەوە
  • دیاردەى کوشتنى منداڵى تازە لەدایکبوو لە سوریا زیادیکردووە و هەژاریش بە یەکێک لە دیارترین هۆکارەکان دادەنرێت
  • ترەمپ بۆ بایدن: تاوانى من ئەوەیە بەرگریی لە نەتەوەکەمان دەکەم و ئێوەش دەتانەوێت لەناوى ببەن

عەرەب

  • هەندێک لە لایەنە شیعییەکان داوادەکەن لە بەرامبەر هەڵەبجەدا قەزاى فاو لە بەسرە بکرێتە پارێزگا
  • لە دانیمارک موسڵمانە تازەکان رووبەڕووى رەگەزپەرستى و جیاکاریی دەبنەوە
  • تورکیا ماڵئاوایی لە غەنووشى دەکات و لاپەڕەیەکى نوێ لەگەڵ پەرلەمانى نوێى تونس هەڵدەداتەوە

رۆژنامە ئینگلیزییەکان

گەڵف نیوز

  • دوای هێرشەکەی ئیسرائیل بۆسەر مزگەوتی ئەقسا، چین و ئیمارات داوادەکەن ئەنجومەنی ئاسایش بێتە سەرخەت
  • بەهۆی مانگی رەمەزانەوە، هیچ شوێنێک بۆ ئەنجامدانی عەمرە نەماوە و هەموو شوێنەکان پڕبوون
  • ئێمانوێل ماکرۆن، سەرۆکی فەرەنسا داوا لە وڵاتانی رۆژئاوا دەکات ئەرێنییانە لەگەڵ چیندا مامەڵە بکەن

فاینەنشیەڵ تایمز

  • زێلێنسکی دەڵێت ئەگەر هێزەکانیان گەیشتنە سەر سنوری کریمیا، ئۆکراین ئامادەیە لەگەڵ مۆسكۆدا لەبارەی پرسی ئەو ناوچەیە دانوستان بکات
  • لە سەردانێکیدا بۆ ئەمریکا، سەرۆکی تایوان لەگەڵ سەرۆکی ئەنجومەنی نوێنەرانی ئەمریکا کۆبووەوە
  • رکابەرەکەی ئەردۆغان لە زیندانەوە دەڵێت، “رۆڵی کورد لە هەڵبژاردنەکانی تورکیادا یەکلاکەرەوە دەبێت”

چاینە دەیلی

  • پێشبینی دەکرێت بە سەردانی سەرۆکی فەرەنسا و سەرۆکی کۆمسیۆنی ئەوروپا بۆ چین، پەیوەندییەکانی پەکین و ئەوروپا بەرەوپێشەوە بچێت
  • بەشێکی زۆری گەنجانی چین، بەهۆی زۆری پێشبڕکێ لە بازاڕەکانی ئەو وڵاتەدا، لە وڵاتانی دەرەوەدا بەدوای کاردا دەگەڕێن
  • حکومەتی ئیتاڵیا بۆماوەیەکی کاتیی چاتی زیرەکی دەستکردی بەمەبەستی سەلامەتی داتاکانیان راگرت

واشنتن پۆست

  • پێشبینی دەکرێت دادگاییکردنەوکەی ترەمپ لەگەڵ کەمپەینی بانگەشەی ‌هەڵبژاردنی سەرۆکایەتی ئەمریکا یەکانگیربن
  • قاچاغچییەکانی دەرمان لە کۆڵۆمبیا دەیانەوێت دەنگیان لە دامەزراوە فەرمییەکانی ئەو وڵاتەدا هەبێت بۆ ئەوەی ئاشتیی بەرقەرار بێت
  • چین ئەمریکا بە بەکارهێنانی تایوان، وەک ئامێرێکی پارەراکێشان، تۆمەتباردەکات بۆ کۆمپانیاکانی چەکی ئەو وڵاتە

رۆژنامە تورکییەکان

سوزجو

  • ئابوریناسێک: بەهۆی خراپی بەڕێوەبردنی وڵات لەلایەن ئاکەپەوە هەڵاوسان بەرزبووەتەوە
  • سەرۆکی پارتی باش بۆ ئەردۆغان: تۆ نیشانەی دەستبەسەرداگرتنی لە تورکیادا
  • مێژووناسێکی تورکیا بۆ سوزجو: لە خراپترین قۆناغی تورکاداین

سەباح

  • ئەردۆغان: کەمال بەگ بێتە سەر دەسەڵات ناتوانێت موچەش بدات
  • لە ئامەد 27 باڵەخانە بۆ زیانلێکەوتووانی بومەلەرزە دروستدەکرێت
  • بەرپرسانی تورکیا رووداوەکانی مزگەوتی ئەقسا ئیدانە دەکەن

یەنی ئوزگور پۆلیتیکا

  • سەزائی تەمەللی پەرلەمانتاری هەدەپە: ئەم هەڵبژاردنە هەڵە قبوڵ ناکات!
  • لە ماوەی 27 مانگدا بڕیاری ئازادکردنی 138 گیراوی سیاسی لە تورکیا هەڵوەشێندراوەتەوە
  • پارتی چەپی سەوز یەکەم نوسینگەی هەڵبژاردنی لە ئەڵمانیا کردەوە

بیرگون

  • بەگوێرەی راپرسیەک زۆربەی هاوڵاتیانی تورکیا ئابوری بە کێشەی سەرەکی وڵاتەکە دەزانن
  • سەرۆکی کۆمەڵەی مافی بەکارهێنەری تورکیا: لە 100 ساڵی رابردوودا لە تورکیا بەم ئەندازەیە گرانی نەبووە
  • دەسەڵاتی تورکیا هەموو هیوایەکی بە پەرشوبڵاوی ئۆپۆزسیۆن بەستووە

رۆژنامە فارسییەکان

ئەبرار

  • عێراق لە رووی سایبیریەوە داوای هاوکاری لە ناتۆ دەکات
  • ئەمریکا داوا لە ئێران دەکات لە پرۆسەی ئاشتی یەمەندا هاوکار بێت
  • سەرۆکوەزیرانی قەزاقستان سەردانی تاران دەکات

ئێعتێماد

  • کیومەرز پورئەحمەد دەرهێنەری ئێرانی کۆتایی بە ژیانی خۆی هێنا
  • وەزیرانی دەرەوەی ئێران و سعودیە دوای هەشت ساڵ جارێکی دیکە لە چین کۆدەبنەوە
  • دوێنێ هەزار و 103 کەس لە ئێران تووشی کۆرۆنا بوون

ئیتلاعات

  • روحانی: ئێران پێویستی بە چاکسازی و گۆڕانکاریە
  • لە ماوەی نۆ مانگی رابردوودا زیاتر لە 20 هەزار کچی تەمەن خوار 15 ساڵ لە ئێران هاوسەرگیریان کردووە
  • نرخی ئۆتۆمبێل لە ئێران 30٪ زیادی کردووە

جمهوری ئیسلامی

  • توندڕەوەکانی ئێران بە رەفتارەکانیان دەبنە هۆی هەڵهاتنی خەڵکی لە ئێران
  • لە ماوەی ساڵێکدا لە ئەفغانستان بەهۆی تەقینەوەکانەوە هەزار کەس گیانیان لەدەستداوە
  • لە ماوەی 50 ساڵی رابردوودا لە عێراق زیاتر لە ملیۆنێک کەس بێسەروشوێن کراون

 

 

هەواڵی زیاتر

Back to top button